今日都無乜野做，原本諗住放返d 卷入去個箱度過日，點知放0左唔夠十分鐘阿tom 就叫返我出0黎睇doc，講到點點點重要，但我連個source 都未有試問又點會有心機睇點做? 結果睇0左幾個字我又無聊咁做第二d 野，無0下無0下就無0左一日，六點鐘就收工返屋企
尼個放工時間真係攞人命，又多人d 人排隊又亂，都唔知邊條龍打邊條龍，上到車又要無位坐，都唔知有無攪錯，幾個站已經爆。
上到車過0左一兩個站，照樣有好多人上車，但一個深刻印像就係有一個0靚仔上車，佢拎住一支棍仔，望真d 原來係盲公杖。 個0靚仔得十零仔，孭住個背囊，身上掛住巴士編號個牌，如果佢唔係拎住支盲公杖，我真係唔會知道佢係一個"盲仔"。
一路上我間唔中都有望0下佢，佢對眼都係好似普通人咁不停咁轉，只係佢唔可以正常人咁周圍望。我自己嘗試咪埋眼感受0個種感覺， 老實講，0個種感覺一d 都唔好受。望唔到周望既野不在話下，仲有0個種無止境既不實在感覺，恐懼感，我覺得絕對唔好受。如果我有一日變成好似佢咁，我究竟仲有無生存既勇氣呢? 我自己都唔知.......