今日同阿七慶祝生日，就去0左唱k (阿七你就巴閉la，你生日就有人叫我地你你慶祝，我記得上年都係老莎叫攪0個wow，hehehe)。由十一點半唱到三點，之後就去0左新機地打機la，好幾年無落過去la，結果一打就打到八點先走(眼都累埋，好辛苦)
返到屋企睇電視，見到鳯凰衛視做魯豫有約，今集講既係愛滋病孤兒。中國真係有好多因為父母有愛滋病死亡而變成孤兒的人。佢地既無0左父母既愛，亦都俾周圍既人(包括親戚、同學)既拋棄，心靈受到好多既傷害，仲要自己獨力承擔一切，自己照顧自己，自己睇到都覺得心酸。
自己個個月都會有爭扎，就係捐唔捐錢呢? 尼個月都唔例外，因為尼個月既洗費特別大，而且唔捨得，但睇完尼個節目後，我就覺得自己真係好自私，孤寒得過份，尼d 錢係值得而且需要花。紅絲帶既力量係絕對需要支持的