狂博

9/6-10/6

三點鐘到中環同善恒佢地搭船去長洲，老實講，我淨係知係去長洲；bbq 同踩單車，其他乜都唔知。

三點三上船，搖呀搖，搖足十個字先搖到去，第一次去長洲，自不然望多兩眼，長洲真係幾細，行曬成個長洲究竟要幾耐呢?

去到渡假屋都差唔多成五點(點解行得咁慢0架?) ，原來0個度係東堤(咁咪好猛鬼? )
之後就行0左出去買bbq 既野la (0個時都仲幾好天0架)，咁買買0下買買0下就買到七點幾八點(其實已經來來回回行0左兩次la)
講真間屋真係幾鬼死殘，又少床wow (頂佢個肺 )



個景都算ok 既，起碼見到個沙灘囉




個去到發生0左個怪現象，就係老野既相全部都變成鬼影，究竟係咩原因令到尼d 相變成鬼影呢?
尼個，係一個「謎」

連我張相都出現0左個不可思議既人影呀



咁之後用0左兩三個字時候起爐，點知0岩0岩起好就落雨
真係好鬼無癮，就算天台上面有"野"遮位都照溜水囉，但都繼續燒，燒到十一點幾，之後老野又話出去食糖水( d 野又有食剩，真係好浪費)
去到我叫0左個 "雜果涼粉"(我都唔記得係唔係咁叫)
咁食0左半個鐘度又去沙灘玩囉wow(成十二點la)，我地0係度玩沙。講真呀，我真係好多好多年無去過沙灘la，0個晚玩0左足足個幾鐘，又0係度玩糖x豆，又玩沙，真係正

之後就返上屋度(點三la)，玩0左陣啤牌，等個個沖完涼(好似兩點幾)，就拎我副cashflow 出0黎玩(我估唔到係一個持久戰)，等個個都識玩既時候就開始la，七個人玩真係好慢，一玩就係四個鐘.
玩到六點幾個個都眼訓到話唔玩la (仲未玩完一鋪......)
之後個個都上床訓夠，等我執埋野刷埋牙諗住訓覺既時候，我先見到原來已經無曬床位

我就咁一個人0係廰度嘗試用各種平時0係巴士去返學既時候訓覺既姿勢訓覺，但係訓0左無耐就醒訓無耐又醒過.... ，結果斷斷續續咁訓0左四個鐘，0係中間既時段樓下0個層既人都唔知係唔係high 0左野，係咁fing high-fi ，嘈到不得了，我諗佢應該fing 度五點幾先無曬聲(擾人清夢)
十點幾，各人逐漸起身，刷埋牙後執埋野，當我地話去邊度食早餐既時候，有人發現尋晚買既西瓜仲未食 ，咁我地食早餐之前唯有食埋個西瓜先，之後臨走前我地仲發現仲有雪糕未食 (究竟買0左幾多野)，我唯有食埋佢，行返出碼頭，橫風橫雨，有遮等於無遮，之後去0左一間舊式茶樓食野，其實都無咩好食，因為好多都賣曬。食完之後都唔走住，仲大風大雨，等細雨少少行返去碼頭睇時間表，未走得又去麥記等0下。
到兩點三有船我地就離開長洲，途中佢地個個都訓著曬，我就用我既精湛技術幫佢地影0左d 相，尤以以下尼兩張影得最有藝術感



咁三點多d 返到中環，各散東西
而我返到屋企先發覺我自己中0左招，尼個時候我諗起老野話佢自己中0左招

老野，你惹到我呀!!!